This page is also available in English - Click Here

Gwasanaethau a
Gwybodaeth Gyffredinol

Ffoniwch ni am gyngor cyfreithiol cyfrinachol a chynrychiolaeth ar
0151 649 8700

or Sharon Lovell on
07747 461017

Cyflwyniad
Elusen yn darparu gwasanaethau cymdeithasolgyfreithiol yn y Deyrnas Unedig yw'r Gwasanaethau Eiriolaeth Ieuenctid Cenedlaethol (NYAS). Mae'n cynnig gwybodaeth, cyngor, eiriolaeth a chynrychiolaeth gyfreithiol i blant a phobl ifanc 0-25 oed, trwy rwydwaith o dros 150 o eiriolwyr. Mae NYAS hefyd yn Wasanaeth Cyfreithiol Cymunedol.

Ethos y Gwasanaeth
Mae NYAS yn ymroi i weithio tuag at weithredu Confensiwn y Cenhedloedd Unedig ar Hawliau'r Plentyn, ac yn arbennig Erthygl 12 sy'n ymwneud â hawl pob person ifanc i ymgynghoriad ynghylch pob mater sy'n effeithio arnynt. Mae NYAS yn anelu i ddarparu a datblygu ei wasanaethau trwy gyfranogiad pobl ifanc sy'n ymwneud â'r sefydliad ar bob lefel.

I bwy ydym ni'n cynnig gwasanaethau?
Mae NYAS yn cynnig gwybodaeth annibynnol a chyfrinachol, cyngor, eiriolaeth a chefnogaeth i bobl ifanc sydd am fynegi eu dymuniadau a'u teimladau mewn achosion gweinyddol neu gyfreithiol, neu mewn unrhyw amgylchiadau eraill, pan wneir penderfyniadau ynglyn â'u bywydau.

Mae NYAS yn rhoi plant a phobl ifanc yn gyntaf ac yn cynnig help i blant:-

• Mewn angen neu anobaith
• Mewn trafferth
• Mewn gofal neu'n gadael gofal
• Sy'n ddigartref
• Â phroblemau yn yr ysgol
• Â'u rhieni wedi gwahanu neu'n ysgaru
• Sydd â neb i wrando arnyn nhw

Mae NYAS yn cynnig gwasanaeth lle caiff pobl ifanc gyfle i ddefnyddio gwybodaeth a phrofiad ein heiriolwyr a'n cyfreithwyr i oleuo eu proses o wneud penderfyniadau.

Sut i Gael Gwybodaeth , Cyngor, Eiriolaeth neu Gynrychiolaeth Gyfreithiol
Mae pob gwasanaeth a ddarperir gan NYAS yn annibynnol a chyfrinachol. Mae gwybodaeth, cyngor ac eiriolaeth i blant a phobl ifanc, gan gynnwys cyngor a chynrychiolaeth gyfreithiol ar gael trwy gysylltu â ni ar:

Bydd ein tîm derbyn yn delio â phob cais am help ac yn cysylltu eiriolwr â'r achos os yn berthnasol. Mae'r gwasanaethau'n cynnwys:

Gwybodaeth Gyfreithiol, Cyngor a Chynrychiolaeth
Mae tîm cyfreithiol mewnol NYAS yn darparu gwasanaethau cyfreithiol i bobl ifanc.

Eiriolaeth ar sail Materion Penodol
Cysylltir eiriolwyr penodol mewn ymateb i geisiadau penodol am gyngor, neu eiriolaeth ar gyfer gwaith un-wrth-un gyda phlentyn neu berson ifanc.

Eiriolaeth mewn Unedau Preswyl
Mae eiriolwyr yn ymweld ag unedau preswyl yn rheolaidd i gyfarfod a rhyngweithio gyda phobl ifanc a gwrando ar unrhyw bryderon a siarad â nhw yn uniongyrchol.

Cymorth gan Weithwyr Achos
M ae NYAS yn cynnig gweithwyr achos i ymgymryd ag adroddiadau gwaith cymdeithasol annibynnol ar gyfer pobl ifanc sy'n destun anghydfod ynglyn â'u cartref swyddogol neu hawliau cyswllt. Gall gweithwyr achos weithio'n annibynnol neu gyda chyfreithiwr o dîm cyfreithiol NYAS.

Personau Annibynnol
Mae personau annibynnol yn darparu gwybodaeth, cyngor ac eiriolaeth i bobl ifanc mewn Canolfannau Hyfforddi Diogel.

Ymwelwyr Annibynnol
Mae NYAS yn darparu ymwelwyr annibynnol i ymweld, i gynghori ac i fod yn gyfaill i bobl ifanc sy'n cael gofal gan yr awdurdod lleol ac sydd heb lawer neu ddim cysylltiad gyda'u teuluoedd.

Fforwm Pobl Ifanc
Mae'r fforwm yn gyfrwng i ymgynghori gyda phobl ifanc ac yn ffordd iddyn nhw allu mynegi eu barn ar faterion lleol a chenedlaethol.

Digwyddiadau i Blant
Ymgynghoriad a gwybodaeth sy'n galluogi plant i ddweud am eu profiadau ac i ddysgu am y gwasanaeth.

Hyfforddiant ac Ymgynghoriad
Mae hyfforddi a datblygu staff yn chwarae rhan bwysig iawn o ran cyflwyno gwasanaethau o ansawdd uchel i blant a phobl ifanc. Mae NYAS wedi'i gofrestru gyda Chymdeithas y Gyfraith a'r Rhwydwaith Coleg Agored i ddarparu cyrsiau achrededig sy'n cynnwys:

• Cyflwyniad i Eiriolaeth ar Ran Plant a Phobl Ifanc
• Cwynion a Chynrychiolaeth
• Hyrwyddo Hawliau Plant mewn Gofal Preswyl
• Fframwaith Cyfreithiol Eiriolaeth
• Eiriolaeth gyda Phlant ag Anabledd
• Hyfforddiant pwrpasol a gweithdai ar gael wrth wneud cais.
• Am ragor o fanylion cysylltwch â: training@nyas.net

Clwb Ieuenctid Ar-lein
www.onlineyouthclub.org
Gwefan ryngweithiol ar gyfer pobl ifanc, i'w hannog i fynegi barn a defnyddio stafell sgwrsio NYAS yn ddiogel.

Gwybodaeth Arall
Mae rhagor o daflenni NYAS ar gael, sef Gwasanaethau Cyfreithiol NYAS, Cyfranogiad Personau Ifanc NYAS, Hyfforddiant NYAS a Gweithdrefn Gwynion NYAS.

Gwasanaeth Eiriolaeth Ieuenctid Cenedlaethol
Egerton House, Tower Road,
Birkenhead, Wirral, CH41 1FN
Rhif ffôn 0151 649 8700
E-bost help@nyas.net
Gwefan www.nyas.net

RHIF FFÔN AM DDIM I BOBL IFANC
0800 616 101